梁競徽最激床戰老婆冇眼睇

東方日報
梁競徽於片中的動作戲親身上陣,床上動作戲當然唔會例外。

梁競徽演出邵氏劇集《飛虎之雷霆極戰》、《鐵探》後大受內地觀眾歡迎,最近為內地電影《奪命血珀》擔正男主角,片中除了槍戰動作戲,更有激烈床戲,拍攝超緊張的他笑說:「係最激嘅一次。」

藝人梁競徽正身在內地為電影《奪命血珀》開工,孭飛擔任男主角的他飾演退役特種部隊,除了要應付大量動作戲份,更要拍攝激烈床戲,坦言事前已跟太太備案,他笑說:「太太明白事理嘅,佢亦唔會睇,睇唔到就冇嘢啦,換轉係我太太拍呢啲戲,即使我係演員,我都唔想睇到啦。」

親熱唔飲咖啡

競徽指拍攝床戲壓力很大,起床刷牙後連咖啡也不敢喝,以免有口氣,他說:「正式拍攝都冇諗咁多,盡量投入,對手王飛斐係第一次拍呢類型親熱戲,自己都係最激嘅一次,出嚟效果好好,最辛苦係拍攝時屋內唔可以開冷氣,張被又厚,就算冇着衫都超熱。」

戲中動作戲、槍戰場面多多,競徽卻很享受拍攝這些場面,現場亦有專業軍事顧問指導動作、隊形、走位,務求令拍攝效果更佳。他慶幸之前拍戲受傷的舊患已逐漸康復,為求逼真,戲中動作戲皆親身上陣。

珍惜拍攝機會

天氣日漸炎熱,拍攝過程可辛苦嗎?競徽說:「係好熱,要狂飲水,每日開完工都要飲甜嘢,消耗得太多,唔夠糖分。有得熱、有得攰係好事,係福氣,尤其呢個階段,整個行業寒冬時候,要演得更加好,更要珍惜機會。」

經過朝夕相對、出生入死,梁競徽與同片演員成為好友。