林雲中忘恩負義?甄詠珊嬲爆:佢冇感恩到

對甄詠珊嚟講,呢段關係簡直就係荒唐。

藝人甄詠珊與李明憲出席美容活動兼MV發布會,身為代言人的甄詠珊表示有試打透明質酸針:「腮骨位好似細咗。(痛?)好似打針咁,ok嘅,3個星期前打。」她又謂整件事很趕:「因為老闆畀咗首廣告歌我唱,3個星期內拍咗廣告、拍MV同錄歌,首歌歌詞都好好,有少少代入我之前『惡人菊』嘅角色,講世人冇醜嘅女人,只有懶嘅女人。」問到如果整容接不接受?她表示:「依家科技先進,微調都有效果,同埋我食素、做運動有好大改善,外在內在都重要。」

工作方面,她透露剛拍完網劇,笑言是做「男一」:「因為戲中有個女朋友,但又冇明確話係同性戀。(有冇親密戲?)冇咩,反而同個男仔有床上戲,就係李明憲。(激唔激?)唔激,得少少交代,佢連對稿都好入戲,好好。」另外,提到她在社交平台鬧緋聞男友林雲中忘恩負義,原本笑容滿面的她即一本正經,表示:「過去嘅嘢唔想再提,要展望將來。(同佢拍過拖?)冇,係曾經欣賞嘅人,有嘗試了解對方,但發現思維同價值觀唔係同一條線,佢抹煞我對佢嘅幫助,我覺得佢冇感恩到,不過唔緊要,都係了解嘅一種,我依家都好多工作,會努力做好自己,自然會有好嘅人出現。」