林雅詩時裝生意蝕七位數

東方日報
林雅詩

藝人林雅詩(Grace)與經理人馬天樂昨日到九龍灣拍攝汽車美容廣告,Grace表示剛從英國回來,傾談有關代理升學的工作,說到最近社會氣氛令市道變差,工作也少了很多,她表示時裝店生意一落千丈,損失近七位數,但仍希望跟員工共同進退:「有兩間實體店,一間喺上水,一間喺筲箕灣,未諗住頂手,想堅持住。」至於演藝工作亦已減了七成:「以前一個月十幾廿單,依家得番兩、三單,仲有好多人壓價。(仲有冇返內地拍網劇?)少咗啦!好多都唔想用香港人,有啲一早傾咗嘅都暫停。」

講到開始升學代理工作,問會否幫14歲的兒子出國留學?她表示會尊重兒子意願:「我冇咩所謂,以前都喺英國讀過書,所以都有可能。(呢個時候有冇諗移民?)我始終鍾意香港。」