林超賢大滿貫導演老闆都讚威

東方日報
從師公徐克手上接過獎項,林超賢倍感興奮。

在影圈32年的導演林超賢,事業上經歷高山低谷,前晚憑執導英皇電影《紅海行動》榮獲「第32屆中國電影金雞獎」最佳導演殊榮,認真飲得杯落!其實早前他已憑該片先後奪得百花獎及華表獎,獨攬三個內地主流電影頒獎禮的導演獎,創下華籍電影人的大滿貫紀錄。

前晚得獎後,林超賢出席大會的慶功宴,並於昨晨離開廈門,趕飛機到泰國繼續處理鼠年賀歲片《緊急救援》後期工作,興奮心情仍未完全平復。他受訪時形容得獎屬意料之外:「面對一班咁強嘅對手喎!其實今次出席頒獎禮係因為《緊》片喺廈門取景,想重遊舊地支持吓,當聽到自己個名時,完全冇心理準備,開心到成個人彈起。身邊老闆(英皇主席楊受成)就話『呢次你威啦』,我即刻回話『冇你我點威?』最感動嗰刻,係由『師公』徐克手上領過獎項。」

而《緊》片後期工作目前分開在5個國家同步進行,林導預算12月底能夠竣工,屆時才計劃搞飯局補祝得獎。當問到是否對《緊》片票房更添信心,他謙稱:「愈大壓力就真,希望觀眾喜歡啦!」回顧導演路,林超賢難忘曾歷挫敗:「入行之初,覺得份工愈嚟愈啱自己,後嚟喺冇收入嘅情況下都堅持留低,夜晚要入機場揸車幫補生活費,好彩捱過咗!」

感激楊受成支持

他感激楊受成沿路支持:「當年拍完《千機變》有少少困惑,老闆同我分享佢嘅人生閱歷,不斷鼓勵我,好感動。」至於《紅》片續集籌備問題,他說:「《緊》片後我想先拍套香港主流電影,但要觀察市場走勢,有十足信心先會付諸行動。」另外,英皇投資的《妖貓傳》前晚於金雞獎獲得「最佳攝影」及「最佳美術」兩項大獎。

林超賢感謝楊受成多年來的支持與信任。