林超賢再膺最佳導演:好完美!

東方日報
林超賢憑《紅海行動》攞獎攞到手軟。

導演林超賢執導的英皇電影《紅海行動》,前晚於「2019中國(佛山)大灣區功夫電影周」閉幕禮奪「最優秀導演」,可算是冬至的「最佳禮物」。身在泰國為《緊急救援》進行後期工作的林超賢受訪時表示:「今次真係好完美,完美唔係在於得獎同票房,喺『金雞』可以由師公(徐克)頒獎畀我,今次再由師傅(陳嘉上)手中接過獎項,能夠同佢兩位喺台上有『因緣』,真係圓滿,加上連續兩屆攞獎,我覺得好意外。」

至於張晉憑電影《葉問外傳:張天志》奪「優秀男演員」,該片亦獲「優秀功夫(動作)電影」。提到甄子丹睇好他做接班人,他說:「多謝丹哥欣賞,我會繼續努力,但好唔捨得佢唔再拍功夫片,真係未睇夠,希望佢可以繼續拍。」

張晉奪「優秀男演員」殊榮。