林穎彤拍拖要認唔敢呃老闆

東方日報
林穎彤與伍富橋連色都夾埋,好難唔認喇啩!

「緋聞情侶」林穎彤及伍富橋昨日着黃色情侶衫,上電台宣傳合唱歌《迷魂陣》,林穎彤笑說:「依家日日宣傳成日見,默契都愈嚟愈好,感情都好咗,係好熟嘅朋友,哈哈!(對到厭?)我唔悶嘅,但跳舞嗰陣有鬥嘴。(佢隻手放錯位?)啱位!嚟緊喺白色情人節會上節目再跳。(一齊慶祝?)全日都喺公司,可以撐枱腳。」

問到伍富橋可會送女方朱古力及送她回家?一直少發言的他終開腔:「平時都有互送零食,當晚可以送佢返屋企。(追緊人?)了解中,佢係好乖、孝順。(係你鍾意嘅類型?)都係。」林穎彤聞言興奮大叫:「Yeah!有人鍾意我!(驚一拍拖就被棒打鴛鴦?)都係,事業為重。(發展地下情?)有拍拖點都要畀老闆知,唔會呃公司。」