林秀怡男友晒合照打氣 網友力撐兼趁機催婚

林秀怡同男友真係好Sweet!

藝人林秀怡早前因為喺Instagram高調表態政治立場,即遭無綫「雪藏」,雖然工作量大減,但好彩仲有餐廳生意幫到佢養家,亦有拍拖近三年嘅導演男友Kevin一直陪住喺佢身邊。呢日Kevin就分享咗張為林秀怡慶生嘅舊相,見到Kevin坐喺女友大髀展現幸福嘅笑容,而林秀怡就攬實男友條腰兼嘟起嘴仔獻吻,非常Sweet!Kevin仲留咗個送肉嘴嘅表情符號,唔知係咪想為女友打打氣呢?唔少網民都話會繼續力撐林秀怡,仲趁機問佢哋幾時拉埋天窗添!