林淑敏許家傑拜年絕招 包冇拗撬

東方日報
林淑敏與許家傑「對打」應節搞氣氛。

無綫處境劇《愛.回家之開心速遞》「大小姐」林淑敏及「送水輝」許家傑,在劇中恩愛美滿,怎料在年初三赤口竟然大打出手,為赤口增添「火藥味」,之後更化身專家教大家如何拆招,等大家輕鬆度過年初三!

根據傳統習俗,年初三赤口容易吵架,不宜拜年,但林淑敏同許家傑卻反傳統,相約齊齊做運動,怎料最後打交「開年」,為赤口增添「火藥味」!

玩完一輪,二人放下「仇恨」,更即專家上身教大家輕輕鬆鬆度過年初三,家傑說:「年初三,可能大家都知係會躁啲同唔舒服,畀定個心理準備先,記住要控制自己心情。」至於出名好脾氣的淑敏坦言,在自己字典中根本沒有赤口:「我知好多夫婦同情侶會煩惱去男女家拜年嘅問題,其實一日有24小時,可以分上午同下午分別去男家同女家,夜晚男女家就一齊Gathering,咁樣就容易啦!」

唔想感情發展太快

現時《愛》劇一星期播足七晚,二人異口同聲表示會趁農曆新年好好休息,家傑說:「工作量大咗好多,新年有三日假,可能要回一回氣。」至於淑敏表示最開心是大家團聚及派利是:「有能力派好多利是係一件開心事。好記得有年我派晒利是,要問人『暢』錢,但都好開心。」問到現時劇集播足七日,會否加快劇中二人的感情發展?她說:「我覺得又唔好住,因為我哋係持續性發展,如果太快有進一步,大家之後冇咗個期待。」

場地:The Fit Club

許家傑祝大家財源廣進發大財!