【林海峰是但噏】談論社會議題 林海峰:有人叫我講嘢唔好咁偏激

【林海峰是但噏】談論社會議題 林海峰:有人叫我講嘢唔好咁偏激

林海峰(阿Jan)一連7場Talk Show《林海峰是但噏Happy Monday》於昨晚(19/9)在紅館隆重揭幕。開場時,台上螢光幕播出一段阿Jan在對上一次開騷,由2017年至今所經歷的片段,而台下的觀眾亦不斷大叫社運口號。阿Jan昨晚以T裇短褲登場,一開口就分享了自己所聽到的忠告:「有人叫我講嘢唔好咁偏激,要盡量中立啲,有啲就話靠你為香港人發聲,我覺得自己好似好重要咁。」

靠一己之力激嬲香港人

其實有聽商台節目《在晴朗的一天出發》的觀眾都知道,節目主持人阿Jan在休息準備開騷之前已經不斷在節目上討論近月發生的「反修例運動」,昨晚頭場,阿Jan亦不負眾望,說話意有所指:「𠱁人笑難,𠱁香港人笑難,𠱁一班唔開心嘅香港人笑係難上加難,大佬,靠一個人喎!相反,要激嬲香港人好容易,激嬲全香港人都好容易,一個人都可以做到。」

觀眾大叫:林狗下台!

之後阿Jan又再發功,叫大家高呼自己的花名:「覺得我應唔應該上台?我應唔應該開工?如果大家想我落台換衫嘅話,你哋知我叫林狗,你哋要叫乜㗎啦?」豈料全場觀眾非常有默契,當阿Jan大叫「林狗」時,台下觀眾齊高呼:「下台!」阿Jan接著說:「嗱,你哋叫我下台,我立即順應民意,下台換衫開工!」

【林海峰是但噏】讚港人堅覺醒:以前香港人個個叫炒樓而家叫加油

點擊瀏覽《香港01》更多內容和圖集

你可能感興趣:
【林海峰是但噏】讚港人堅覺醒:以前香港人個個叫炒樓而家叫加油
廖子妤同林海峰爭做阿Jan 原來多年前已同軟硬合作?