林泳淘做齋界KOL

東方日報
身為宅男女神的林泳淘,轉型做KOL。

深得網民喜愛的藝人林泳淘回復自由身後密密做,日前被拍到打書釘睇素菜食譜,又到超級市場揀廚具及蔬果,原來是準備拍攝有關素食的節目,做「齋界」KOL!

宅男女神林泳淘(Wingto)憑資訊節目《東張西望》及旅遊節目《3日2夜》成功入屋,但去年9月突然被無綫炒魷,不少Fans都擔心其出路。不過,在網上深受歡迎的她被選為最火熱KOL第一名,不愁前程!除火速獲邀拍攝ViuTV劇集《打天下》,同時亦有大量KOL工作。

打書釘學演技

日前Wingto在尖沙咀被捕獲,身穿連身花裙、戴眼鏡的她,貫徹文青女神形象,見她先到書店打書釘,在有關飲食及烹飪的書櫃駐足良久,拿着素菜食譜左揭右揭細心研究,之後再翻閱有關電影及心理學的書籍,似乎有更多機會做演員,睇相關書籍增進演技,最後她買了一本食譜離開。其後Wingto到附近超級市場掃貨,主力睇蔬果,見她拿起各式瓜菜格價,之後到廚具專櫃選購平底鑊,但未有收穫。

將演舞台劇

之前Wingto接受訪問,表示離開無綫後要更着力計劃未來工作,其個性隨遇而安,幸獲不少客戶及朋友眷顧,她透露將參演舞台劇以及拍攝有關素食的節目,因此要做資料搜集:「我本身食素,好開心有機會做有關齋菜嘅節目,會去台灣拍,我主要係負責食,但未知會唔會煮埋,我都想做埋YouTuber,教埋整齋菜都唔出奇。」

林泳淘逛超市揀食材,主力揀蔬果。
林泳淘拎起素食書本細心研究。