林欣彤「分手」感覺好Free

東方日報
林欣彤就快開處女騷,心情自然緊張。

歌手林欣彤(Mag)前晚出席網上直播音樂活動,透露12月27日將在麥花臣場館舉行第一次個人售票演唱會,現時心情既緊張又期待,去年曾因失聲取消開騷的她笑言:「今次應該冇問題,會努力做運動,健康啲。(聲帶OK?)依家OK嘅。」問到可會叫朋友來支持?她表示:「唔嚟幫手都一定要嚟睇。(叫鄭欣宜同許廷鏗上台?)我諗緊,雖然大家估到可能會好悶,但佢哋對我又好緊要。」

問到可會叫緋聞男友、天堂鳥成員Tyrese睇騷?Mag即說:「我會一次過Send畀好多人。」有指兩人已分手,她笑言:「我哋都冇一齊過,我睇到新聞都笑咗出嚟。(依家有冇拍拖?)冇呀!專心工作,覺得一個人幾好、幾享受,感覺好Free。」