林欣彤閉關游乾水

東方日報
林欣彤讚爸爸牌章厲害。

歌手林欣彤昨日到電台宣傳新歌,表示今次將歌詞印在棉被上,並請來9位攝影發燒友將棉被帶到不同屋苑拍攝,有「要撐可一起撐」、「你別要避談」等字句,她說:「覺得屋邨曬被感覺好有人情味,影出嚟好靚呀!今次出發點係想大家見到曬被、睇到歌詞,希望同香港打吓氣。(自己有冇親自去影?)冇呀,我覺得自己影相好低手。今次唔止係新歌嘅宣傳,亦想做慈善溫暖大家,可能大家呢個時候人心惶惶。」並透露之後會將棉被轉贈慈善團隊,屆時她將親自捐被給有需要人士。

提到近日較多空閒時間,她認為最大得着是有更多時間陪伴父母和弟弟:「試過四個人喺屋企打牌,爹哋牌章好勁,我就麻麻。我哋冇賭錢,只係賭籌碼,因為我好怕賭,賭真錢會好驚。」並感性指父母年紀漸長,感覺大家都在倒數生命。