林欣彤疫境𢱑Job

東方日報
林欣彤

歌手林欣彤昨日到電台宣傳新歌,新冠肺炎肆虐下公開活動大減,她坦言有新歌推出亦缺乏宣傳機會:「呢排冇乜工作,有啲不安,唔想成日喺屋企Hea,想做多啲嘢,但係連除口罩唱歌嘅機會都冇。如果有機會,就算戴住口罩唱歌都得!」

她指疫情下亦有得着,多了時間陪伴家人,幾乎每天都在家吃飯,會抽時間練歌及看卡通片打發時間。問到工作量大減,經濟壓力是否很大?她坦言:「都有嘅,不過有積蓄。公司亦好支持,會畀啲物資、口罩大家。」收入大減,父母可有戥她擔心?她說:「會o架,但佢哋好好,反而叫我唔使擔心,因為爹哋仲有做嘢,話如果有困難一定要同佢哋講。」