林文龍批准翠如隨時收工造人

東方日報
林文龍笑言經常服侍翠如。


藝人黃翠如昨日出席活動時,向林文龍狂笠高帽,獲讚撈得掂!問林文龍有否傳授造人秘技給翠如?他笑稱不懂,但指若翠如想造人,可以隨時收工返家「做功課」。


藝人黃翠如、林文龍、陳自瑤、黃嘉樂及連詩雅等,昨午於屯門出席無綫新劇《致所有愛過的人》開鏡拜神,林文龍雖被劇組冠以「龍爺」稱號,但他笑言無論戲裏戲外,都要服侍「蕭太」翠如。至於首次以人妻身份派利是的翠如說:「好多朋友好似洪永城同農夫,專程揸車嚟(豆)利是,話攞個Luck,陸永仲帶埋囡囡嚟玩天光,小朋友開心過大人,啲利是係佢(蕭正楠)封嘅,我就負責煎糕。」問到是否準備三年抱兩?翠如即避談,只稱於劇中有女兒。


讚蕭太識撈多朋友


問林文龍有否「過兩招」生B秘技給翠如?他笑說:「我唔識,自然規律嚟喎。如果你要『做功課』實就你,做完訪問你即走都得。」他又稱之前四出拜年:「不過冇翠如咁多朋友,依家連曹永廉都過埋檔。(你都去翠如屋企拜年囉。)唔得,日日百幾二百人,去到村口冇邀請卡入唔到嘅。」翠如則指整個劇組以「龍爺」為首,被笠高帽的文龍笑言:「你喺無綫唔係做咗好耐,但唔怪得你撈得咁掂啦。」


陳自瑤避談情人節


至於陳自瑤表示農曆新年陪家人,不過今日情人節要開工,不會與老公王浩信慶祝。問到準備甚麼禮物?她支吾以對表示:「唔……不如講番工作,我哋兩個都開緊劇,冇時間。」

與連詩雅黐到實的陳自瑤風騷舉V。

 

是日精選

 

阿嬌情人餐甩底老公嬲豬

傳宇宙級港女吳若希婚姻亮紅燈-婚姻中忍讓不是必然

林文龍批准翠如隨時收工造人

樂易玲嘲情史抹唔走-吳業坤開騷征服世界

女大18變定造型出事-張曦雯-突然同do姐撞樣

撇低仔女睇冰上曲棍球-鍾嘉欣孖老公二人世界上電視

李彩華6呎-鋼男-私有化-啜手指放閃