林文龍任亞視副總裁唔搵老婆出山

東方日報
林文龍突空降做亞視副總裁,力撐公司財政穩健。

藝人林文龍昨日現身《2019亞洲小姐總決賽》記者會,宣布成為「亞視揸Fit人」之一,出任亞洲電視副總裁,憑過去30多年的演藝工作經驗「打好呢份工」,但無意讓太太郭可盈「出山」拍劇!

昨日的記者會上,除16位亞姐佳麗齊集外,最大焦點是宣布林文龍成為「亞視副總裁」,明年1月正式上任,並由亞視執行董事兼聯席主席鄧俊杰,以及非執行董事兼聯席主席賴彩雲頒「亞視職員證」,文龍說:「係咪攞住張證就返工?」

他在台上表示:「好開心用一個新形象同新身份同大家見面,多謝主席同鄧總對我嘅信任,交託呢個重要任務畀我,我會將呢三十幾年從事呢個行業嘅經歷同知識,好好咁做好呢份工作!」並分享新上任的宏願:「香港一樣可以製作一啲好有質素嘅電視劇畀大家睇,特別係之後落嚟我哋亞洲嘅出品,我哋會用好謙卑嘅心同態度,邊學邊做,唔好辜負香港人對亞洲電視嘅期望。」

強調公司財政穩健

事後文龍接受訪問,對於獲委以重任,他說:「我都考慮咗一段時間,我同賴主席私下係好朋友,佢有呢個概念,同我講,我都需要好謹慎咁考慮。雖然我對呢個行業已經有一定認識,但大部分時間都係幕前,呢份工都係初哥。」講到亞視早前裁員,現時財政可穩健?他說:「之前我唔夠膽講,但由我上任開始,呢一刻我可以講係健康、健全!」至於是否年薪過百萬,他微笑說:「唔好將錢放咁高,賴主席好體諒朋友同員工,我認識嘅佢向來好錫員工,唔會刻薄員工,包括我。(為高職推咗幾個工作,薪酬夠Cover定多幾倍?)你哋咁問係擔心我嘅生活?如果我生活有咩問題,我會同大家講,大家隨緣樂助。(請太太出山拍劇?)現階段唔會,唔係我批唔批准,係我個女,佢權力比我大!我任何時間出去做嘢,個女都批准,但媽咪,佢就唔批准。」

欣宜為亞姐表演

同場還有擔任亞姐總決賽表演嘉賓的鄭欣宜,屆時還有任賢齊、江華及麥潔文等。講到選美,欣宜笑言兒時最喜歡用卷裝廁紙扮綵帶,掛上身扮佳麗,問當晚可介意穿泳裝?她笑說:「係驚觀眾介意囉!」

16位佳麗會見傳媒。
勝出香港賽區的羅思雅,有信心再下一城!
欣宜將為亞姐總決賽任嘉賓,笑言着泳衣會嚇親人。