林愷鈴處女作曲獲採用

東方日報
林愷鈴唔單止靚女,仲好有音樂才華。

藝人龔慈恩愛女林愷鈴(Ashley)前晚穿露背裝與蔡瀚億擔任《2019 CASH周年晚宴暨金帆音樂獎頒獎典禮》頒獎嘉賓,她表示又開心又緊張:「驚講嘢一舊舊,希望唔好有蝦碌情況。」早前曾演出音樂劇的她坦言愛唱歌:「不過我都仲好新,經驗唔多,願意再學多啲嘢先。」她自爆愛創作,並已作了十多首曲。問可有作品在市場面世?她即興奮地說:「有兩個廣告嘅背景音樂都係我創作,係我毛遂自薦。」至於可有嘗試填詞,她指填廣東歌詞較難,相比之下,較熟悉英文及普通話。

同場還有獲頒「CASH音樂成就大獎」的著名填詞人潘源良,他與太太一同出席。問到何時再舉行作品展?他直指現時較難,又拒絕點名睇好哪位後輩。