林德信一隻手指同女仔鬥泊車

東方日報
林德信自認是安全駕駛者,唔會立亂飛車。

藝人林德信(Alex)昨日官仔骨骨出席「全新Volvo S60 & V60發布會」,透露小時候在美國,家裏有這牌子的旅行車:「因為呢個牌子嘅車出名安全,所以爹哋買咗部,成個童年喺美國都係坐呢架車,兩、三年前我就換咗同牌子嘅新Model。」記者打趣他似喜歡揸跑車,Alex笑言:「我個人低調,鍾意啲冇咁嘈嘅車,同埋好似爹哋一樣都鍾意古董車。(你有幾多部車?)如果計埋電單車就有三部。」

問到Alex揸車是否安全至上,還是愛飛車?他笑言:「我好安全,同埋我泊車好叻,成日都想挑戰人鬥泊車,香港冇咩位我泊唔到,我可以一隻手指扭入去一下就泊到,所以我都想公開挑戰大家。」還笑言見過不少女孩子揸車很叻:「可以試吓同佢哋鬥泊車!」