林德信笑容冧死女 衛詩雅:佢係我杯茶!

娛樂

俗語有云,愛笑的女孩運氣好,其實男孩亦都一樣,尤其係本來靚仔有型,再加上態度友善笑容可愛,見到當堂心情都靚啲!連衛詩雅都公開指被佢嘅笑容融化。

撰文、圖片:東方新地

林德信衛詩雅首次合作互戴高帽

講緊阿Lam個仔林德信囉,入行多年工作態度同做人態度都人人讚好,呢啲咪好家教囉。「第16屆香港亞洲電影節2019」日前舉行開幕禮,《再見UFO》和《獅子山上》成為今年開幕電影,林德信和衛詩雅在電影《獅》乃首度合作,首映禮上互讚對方,林德信話:「佢好大膽又好投入,佢有嘅嘢我冇,大家做到互補不足!」

衛 詩雅和林德信首次合作,相處十分愉快,詩雅笑言希望下次可以一起拍一部純愛情電影!

詩雅:林德信係我杯茶,但只可做朋友

詩雅則笑謂林德信笑容可以融化人,大讚對方是自己杯茶:「絕對係『我杯茶』,咁靚仔喎,不過做佢另一半就慘啲,佢嘅笑容可以融化人,做錯事笑一笑,另一半咪軟化立即原諒佢!所以做佢身邊女人要小心啲,都係做朋友好啲!」戲中二人扮演夫妻,並有床戲,詩雅話:「只係坐喺床度傾心事 啫!」林德信坦言呢幕因為詩雅的對白,令到他眼濕濕,完全投入角色當中。

電影《獅子山上》是真人真事改編,一眾演出藝人衛詩雅、林德信、白只、黃又南以及電影的真實主角黎志偉等均有出席首映禮。

林德信中環遇記者主動打招呼勁親民

林德信無架子唔會自覺高人一等,日前林德信同朋友在中環漫步,全程有講有笑融洽又有愛,一個唔覺意見到有鏡頭,Alex無閃開無遮擋,抬起頭第一個反應就係充滿笑容舉起手指公打個招呼先,態度性格好到加零一!

本來等過馬路睇緊手機,林德信抬頭見到鏡頭,第一個反應係笑住畀讚,笑容燦爛性格可愛,絕對係有家教表現。
瑜伽教練林德信,著住件 T 都睇到佢手臂有幾咁粗壯。

延伸閱讀:

19歲吳卓林與31歲同性女友婚姻亮紅燈 貧賤夫妻百事哀

黃貫中被歌迷斥消費Beyond 退出演唱會專心做慈父