林師傑求婚成功年尾娶歐陽巧瑩

東方日報
林師傑封盤,因歐陽巧瑩已答應下嫁。

現年29歲的歌手林師傑雖然沒有在《勁歌金曲頒獎禮》得獎,前晚亦有和鄭俊弘、何雁詩、胡鴻鈞、谷微、菊梓喬等出席唱片公司慶功時,被唱片公司老闆何哲圖踢爆他向拍拖3年的女友歐陽巧瑩求婚成功,表現靦腆的他趕及2017年尾正式宣布「封盤」:「大家盡情去妒忌歐陽巧瑩啦,羨慕佢啦,你哋冇機會,我已經將個人留咗畀佢!」他又多謝何哲圖為他擇吉日成婚。

戴起戒指一齊捱

昨日師傑接受電話訪問時以「老婆」稱呼歐陽巧瑩,更自爆兩人早在個幾月前已訂婚,不過求婚及訂婚過程都好簡單:「喺幾個月前,我做完嘢喺車度問佢:『其實你有幾想同我結婚?』佢話:『我都一早認定咗你o架啦!』跟住我哋開始計劃呢樣嘢,過兩日就去買鑽石求婚戒指,擺喺屋企,諗住遲啲補個求婚儀式。但有晚我又抵唔住頸,既然開心嘢不如快啲享受喜悅,就送咗(戒指)畀佢,訂婚都冇乜儀式,佢對花敏感,所以冇送花,但有跪地。」至於大婚日子訂於2018年年尾,但未決定會否大排筵席。

他倆開始拍拖期間師傑事業正處於低潮,家中又發生事故,令外界「睇死」這段情,師傑表示幸好二人互相鼓勵下成長,他更發表愛的宣言:「有信心佢會同我一齊捱。」且承諾以後會變得更乖,以前的緋聞全是「假象」。而歐陽巧瑩在男友陪同下受訪,指收到不少祝福,又讚師傑是個可付託終身的對象。她說:「其實係佢帶我去買嗰隻約5位數嘅求婚戒指,買完放喺屋企當眼處,佢不時叫我拆開嚟戴,有一晚我哋傾偈,回憶3年嚟一齊經歷咗好多,我哋唔止係情侶,更加係靈魂伴侶,覺得係時候喇,就戴起咗隻戒指!」

星夢唱片公司老闆何哲圖(右)大爆林師傑(左)求婚成功。
歐陽巧瑩愛性感示人,升呢人妻後「福利」可能大減了。