林家棟加戲 咖喱角掟拍檔

東方日報
林家棟

影帝林家棟、白只及南亞裔新演員Bipin Karma,前晚在尖沙咀拍攝電影《手捲煙》,現場不少人沒戴口罩出入大廈,防疫意識不足,家棟卻表示不太擔心:「拍攝現場有好多搓手液。(搭(車立)唔驚?)我每日都係上一次、落一次,返屋企一定大消毒,惟有自己盡量清潔啲。(冇諗過延期拍攝?)導演一早應承咗年中至年底要交戲,總之做足安全措施。」又表示原本要去馬來西亞為監製的另一套新片拍攝製作特輯,因出埠要隔離兩星期,所以只好拖住先,幸得拍檔馮寶寶見諒。

家棟指拍攝現場是狹小的賓館,他大感新鮮:「啲房真係劏房嚟!唔夠100呎,轉身都轉唔到。」並指同片的南亞裔演員是素人,因對方不諳廣東話,大家雞同鴨講,反而更有火花,自己更加戲以咖喱角掟他!