林子博慘食無綫「無情雞」 幸得ViuTV及古天樂雪中送炭

林子博一家

喺無綫工作11年嘅林子博,原本傾好簽約三年及加薪但臨門一腳突然不被續約,前日更係佢嘅last day,原因有傳係就近日社會議題表態被人「篤灰」。

今年4月,佢太太Shirley患上第四期罕見癌症,身心已經好大壓力。正當子博知道要努力養起頭家,而早前無綫娛樂新聞台監製更即時主動聯絡可以加薪簽約3年,點知日前突然被無綫請食「無情雞」,告知不再續約。令到本身滿心歡喜嘅子博頓時不知所措,同時間對住患癌太太佢要勇於面對。

遇上自己正準備失業、太太醫療費用、屋企租金及照顧一對仔女學業及家庭開銷,子博實在快撐唔到落去但仍樂觀面對。消息好快就傳開,佢獲得唔少圈內及圈外同事關心。而另一電視台ViuTV高層得知消息後更主動聯絡子博,希望佢可以加入ViuTV大家庭,邀請佢做返老本行- 娛樂新聞台主持。不過有指子博覺得自己係由無綫一手帶領自己去做娛樂新聞台主持,如今應承其他人過檔,佢覺得唔係幾恰當,唔會無義氣咁倒戈相向。

除咗同事及其他電視台高層主動聯絡及慰問之外,據知連演藝人協會會長古天樂(古仔) 亦主動聯絡子博,伸出援手,希望可以盡一分力去幫子博共渡難關,希望可以一齊背負如此起沉重嘅經濟負擔。

演藝人協會會長古天樂