林子博不獲無綫續約患癌妻激動爆喊

東方日報
林子博不獲續約,生活更添艱難。

藝人林子博加盟無綫11年,去年獲得「老人牌」。日前在友人飯局中,他曾透露將於10月1日約滿無綫,娛樂台監製表示已準備新合約,只欠動筆,惟他突然收到噩耗,得悉公司決定「棄將」,與他結束賓主關係!

收到消息後,子博最擔心患罕見癌症的太太Shirley心情受影響,其10歲兒子卓楠建議他繼續「扮返工」,免得母親受刺激,但他無奈說:「呢招梗係唔Work啦,我要陪太太打針、覆診,點瞞啫?話咗畀太太知後,佢就爆喊,不過我叫佢唔好諗得咁灰,我仲有手有腳,可以搵兼職做住先,而事實上依家長工唔係咁啱我,我都要照顧屋企。」

ViuTV招手救急

子博昨日接到最後一張通告,隨即提前「Last day」,他卻沒有太多抱怨:「娛樂台手足上下一直好幫我,太太有病,佢哋喺工作分配上作出適當安排,不過無綫始終係企業,有佢哋嘅考慮。(經濟壓力好重?)租樓都萬幾,點會冇?但如果要鑽牛角尖,我不如花多啲心機出去搵嘢做好過!」據悉,他不獲續約一事傳開後,一眾無綫舊同事都主動替他搵工,古天樂亦第一時間找人聯絡他,望施以援手,而ViuTV方面有意招手,但飲水思源的子博坦言:「我係無綫娛樂台出身,如果ViuTV搵我做節目梗係有興趣,但叫我繼續跑娛樂新聞就唔係咁好,事關我係娛樂台監製帶出身,冇理由倒戈相向。」

鄭敬基同被飛

另一邊廂,鄭敬基亦傳不獲無綫續約!前晚有電台節目在社交網發文,指聯絡上身在多倫多的鄭敬基,他表示:「可能同TVB傾續約不了了之……」而他早前參演的劇集《牛下女高音》獲安排為台慶劇播出,該劇有機會成為他在無綫最後一部作品,不少網民大呼可惜!

鄭敬基(右)與張振朗於《牛下》合作。