林夏薇爆陳展鵬變住家好爸爸:佢叫錯我做佢個女個名

林夏薇爆陳展鵬變住家好爸爸:佢叫錯我做佢個女個名

林夏薇今日(19/9)以透視運動服現身陳偉成健身中心分店開幕禮,她接受《香港01》訪問時,透露今次服裝是自己配搭,讓外觀「健康得嚟又有少少性感」,不過林夏薇沒有為今次運動刻意節食修身,她分享平日保持健美身段方法:「我喺屋企會拉下筋,等啲筋拉鬆佢,等線條又長返啲,有時又會做練腹嗰啲機,得閒我都會上跳舞堂練一練。」

林夏薇最近與陳展鵬繼《乘勝追擊》後再度合作,拍攝新劇《逆天奇案》,陳展鵬今年四月榮升人父,林夏薇感受到拍檔轉變甚大:「佢而家成日好sweet,成日會諗個女,上次叫錯我做佢個女個名,我話:『嘩!你而家好幸福,滿腦都係家庭』,我覺得係非常好嘅轉變,佢而家係住家好男人,好爸爸嗰種,畀人覺得好溫暖。」

有傳聞指《逆天奇案》原定由胡定欣擔正演出,但胡定欣為了避免與陳展鵬再合作而推劇,林夏薇稱未有聽聞此消息:「我真係完全冇聽過呢個傳聞,因為之前劇組好有誠意去邀請我拍呢套劇,我就知道嘅。」她又特別感謝劇組遷就檔期,讓她有足夠的時間陪伴家人和打理生意。

點擊瀏覽《香港01》更多內容和圖集

你可能感興趣:
【多圖】陳庭欣遊船河藍天白雲下騷長腿 網民:要Call救護
傳夜闖緋聞女友陳瀅香閨 陳家樂親口認樓下落車:多謝大家祝福