林嘉欣被老公糟質新戲要扮醜 失控用熱水壺入袋喪打黃秋生

由袁劍偉執導,林嘉欣、黃秋生、陳家樂、湯怡主演的英皇電影《 死因無可疑 》於上周六 (13日)舉行謝票活動,導演袁劍偉與林嘉欣夫妻檔拍住上,聯同陳家樂、湯怡拉大隊到場,為觀眾帶來驚喜!

撰文、圖片:東方新地

林嘉欣失控熱水壺入袋喪打秋生

再次同林嘉欣合作,袁劍偉大讚老婆演出精采:「 佢做咗好多功課、付出好多。」對於要求老婆扮醜演出,袁導演笑謂:「 佢鍾意畀我糟質。」身旁的嘉欣即甜笑謂:「 夠啦,飽啦,入正題啦!其實演員鍾意做到啲刺激到自己想像世界嘅嘢,我都有問佢點解要搵我演,佢話想打破我美好 太太、媽媽形象,覺得咁樣會令我成長。其實我都緊張,因為要做好多功課,我對手係秋生,我都怕被佢嫌棄。」嘉欣自爆有場狂打秋生嘅戲假戲真做:「 拍嗰陣係冬天,我唔記得咗自己放咗個熱水壺入袋,我就拎住個袋係咁打落秋生個額頭,導演未cut 我就一直打。拍完先醒起個水壺,我同秋生講咗一萬句對唔住,見佢匿埋一邊猛捽額頭,真係好慘!」

"導演袁劍偉與林嘉欣夫妻檔亮相,聯同陳家樂和湯怡為主演的英皇電影《
眾人旋風式巡迴各大戲院謝票,與觀眾作近距離接觸,並大派親筆簽名限量版postcard,場面熱鬧!
林嘉欣被執導的老公袁劍偉安排扮醜,角色有弱視兼有大肚腩,同真身分別好大。
戲中角色有弱視,嘉欣為求最真實體驗,不但接觸失明人士深入了解他們,左眼更佩戴一隻比5元硬幣更大的特製隱形眼鏡,務求做到形神俱似。
嘉欣自爆因大頭蝦忘記手袋內有熱水壺,竟拎起手袋狂扑秋生,事後感到萬分抱歉。

湯怡被家樂鬚根拮到痛

至於演員之一的陳家樂稱導演對佢特別關照,秋生和嘉欣每個鏡頭拍一兩個 take,但佢就要拍多幾個,最多試過十幾個 take,因為導演想佢突破以前固有框框,所以在《 死因無可疑 》中會看到以往家樂在熒幕前從沒出現過的表情和眼神。此外,陳家樂與湯怡今次在戲中飾演情侶,並會有激烈床戲,湯怡坦言兩人份屬老友默契十足,但就踢爆家樂唔鍾意拍攝後做賽後檢討,家樂笑謂:「 平時唔熟嗰啲,拍完就拜拜,今次佢係咁問我覺得點,仲話我啲鬚拮到佢好痛,我聽完個心都乸住,好似自己表現好差咁。」兩個老友你一言我一語互窒對方,場面搞笑!

導演袁劍偉大讚老婆嘉欣及秋生演出精采:「我睇住個mon,有時都唔捨得嗌cut。」
家樂與湯怡在戲中有連場激烈床戲,但由於二人份屬老友,故未有
嘉欣跟家樂於片中亦有唔少對手戲。

延伸閱讀:

「連登女神」彭慧中獲TVB力捧!英國留學放蕩開P舊照流出

38歲譚凱琪凸肚現身孕味濃 為老公傳宗接代忍痛推劇暫別娛圈