林嘉欣假戲真做扑濕黃秋生

東方日報
黃秋生憶述被林嘉欣扑腫個頭的經過。


影帝黃秋生及林嘉欣在英皇新片中演夫妻,當中一幕嘉欣要用袋打秋生,但忘了袋中有個鋼水壺,結果對方被打腫頭殼,好友劉青雲得知後竟讚嘉欣醒目!


英皇電影《死因無可疑》昨日在粉嶺坪輋舉行開鏡儀式,演員林嘉欣、黃秋生、湯怡、陳家樂及嘉欣的導演老公袁劍偉等出席,英皇集團主席楊受成亦現身支持。


秋生戲中與嘉欣演夫妻,笑言自小已很仰慕對方:「我好靚仔但又低低哋,每日開工前要望住嘉欣十分鐘先入到戲。」嘉欣笑言開工時每人有個帳篷,秋生坐住搖搖櫈,大家搖吓搖吓對望,問可擔心袁劍偉呷醋?秋生說:「我傻㗎嘛!而且係佢叫我演嘅。」


劉青雲讚醒目


嘉欣透露戲中要拎個袋打秋生,豈料忘記袋中有個鋼水壺,打到秋生頭殼腫了一片,她笑言將事件告訴劉青雲,對方竟讚她醒目,笑爆全場!對於戲中造型似老了幾年,她說:「好玩!為咗角色專登留咗兩個月白頭髮,唔搽得潤手霜同做Facial,所以幾大挑戰!導演(老公)咁樣糟質我都算,好在秋生對藝術要求咁高嘅人都冇嫌棄我。」


同場的家樂近日被拍到與宅男女神陳瀅約會,他否認拍拖,只是最近合作拍TVB劇:「我就嚟冇朋友㗎啦!只係食餐飯。(影到佢餵你?)冇,角度似係啫!(話你上佢屋企?)唔係,係佢車我去佢屋苑隔籬個港鐵站。(係咪拍拖?)唔係!(有冇機會?)上星期就同怡姐(湯怡),今個星期就瀅姐(陳瀅),都係合作緊嘅夥伴。(同陳瀅啱傾?)佢係義氣仔女,似衛詩雅,大家似兄弟。」

英皇電影《死因無可疑》昨舉行開鏡儀式。
陳家樂與湯怡傳完緋聞,又有新「對象」出現。

 

是日精選

史上最激-黃宗澤床戰劉心悠

阿嬌自爆雪卵肥20磅

大仔5歲生日感恩-謝謝你生下我-陳茵媺冧爆

marvel隊長-預告片揭開身世之謎-影迷-造型似足超級撒亞人

撻着陳家樂-陳瀅落閘求饒-似兄妹

薛家燕自爆差啲愛上胡楓

新版-神鵰俠侶-海報曝光-小龍女驚變盜版劉亦菲-網友

嚴選圈中9位少數民族女星-獨特魅力更省鏡

65歲富豪出局-張柏芝第三胎爆生父另有其人