【林作裕美拍拖】葉朗程暗嘲 裕美留言還擊:膚淺歧視

裕美 & 林作

葉朗程係近年一個受到網民高度關注嘅網絡作家,除此之外,佢仲係private banker及唐詩詠緋聞男友。近日葉朗程喺網上分享咗篇文章,點知搞到裕美及林作不滿,仲留言鬧佢膚淺。 文中葉朗程分享一名全城最貴嘅兒科醫生嘅育兒心德,醫生同女兒都係醫學院第一名畢業,但兒子成績就冇媽媽同家姐好,但阿仔覺得「考十名內得啦,少啲時間讀書,多啲時間做自己鍾意做嘅嘢。」生活上亦都一樣,媽媽供書教學多年,想個仔搵返個同一圈子、竹門對竹門嘅女仔,但個仔就搵咗個連木門都對唔到嘅人。

葉朗程文中仲有提到「芒畢露的冠軍」、「霸氣女子的女校」、「被霸氣所傷的男人,之後必定會被妖氣所吸。」雖然一個人名都無講過,但大家都估到佢係講緊林作、裕美及麥明詩。 林作馬上喺專頁留言回應:「如果是足夠上流的話,根本就不會理會自己另一半是什麼條件 - 特朗普選 Melania, 一個連英文都講不好、沒怎麼讀過大學、模特兒生涯也算不上出色的斯洛文尼亞移民。他需要找個哈佛畢業的律師老婆嗎?」令人聯想到佢想保護裕美,亦想證明唔需要「一個所謂美貌與智慧並重的老婆。」

而裕美就留言話葉朗程膚淺及帶有歧視成份,反問「兩個人相處究竟是為講外在條件?還是講人的內心?門當戶對,代表價值觀及性格一致?」。更話「每個人都有佢既專長,唔係用社會準則去量度別人。」另外,佢仲將呢段回應上載到社交網站,唔少網民睇完都好支持佢,仲叫佢哋加油、唔好理其他人講野,及讚佢好有正義感等等。

裕美IG
裕美IG
裕美IG
裕美