林作裕美拍拖斷正 林作發千字文護花:失婚無罪,只是前夫XX

裕美 & 林作

現年31歲嘅裕美入行多年感情生活比事業更為人熟悉,2016年被爆背夫偷食黃子恆,令二人名譽掃地。2018年又爆出佢同林作撻着,但林母反對。近日有傳媒影到裕美與林作拖手行商場,但一見到人就鬆手兼彈開,冇人嗰陣又拖返手。林作話二人只係朋友食飯,而裕美就冇講野但笑得好甜。

但林作喺噚晚11點58分,喺社交網發千字文護花。係人都知林作前女友係十優港姐麥明詩,有超強學歷,而裕美會考就拎零分,但林作強調自己不介意,仲讚裕美人格、品行、道德觀近乎完美,係佢遇過最心地善良嘅人,林作更加話討厭高分低能。佢又叫大家唔好歧視失婚女性「失婚無罪,只是前夫PK」,林作又話同裕美過得好好,十分幸福愉快。

而裕美都有接受傳媒訪問直認二人已經拍拖一段時間,更大讚林作係佢遇過最好嘅男人,又話林作寵佢寵成公主,「公主病,其實係縱出嚟!」真係甜死人。

裕美
林作