林作呃Like 嗌破產反口被插

東方日報
林作前晚上載街招相指要幫人補習,但昨日又自打嘴巴澄清。

藝人林作前晚在社交網上載私人教授英語、每堂只收100元的街招相片,並稱因「溝女無數」搞到「真的破產」,故要招生撲水。事後他受訪時說:「搵食啫,我唔覺得肉酸,冇錢就要搵。」怎料不足廿四小時,他卻在社交網反口,澄清只是「Post嚟玩吓」、踩「港人詼諧度偏低」,並自爆是上市公司執董,外界相信他今次「跪低」是「玩大咗」。

網民狂插律師出身的他,應明白身為執董不能亂稱破產,更力批他認貼街招後又反口,誠信不足!對於破產人士能否擔任上市公司執董,陸偉雄大律師表示最終一切決定要看港交所:「如果董事局成員破過產或者在位期間破產,即使董事局想佢留低,都要睇番港交所決定,唔可以話絕對做唔到。」