板野友美快閃谷書見好就收

東方日報
板野友美第六次來香港,對粉絲的熱情大為感動。

日本女團AKB48前成員板野友美前晚在書展舉行簽名會,吸引大批粉絲支持,面對寫真集全數售罄,她感到很高興,但無意加印。另邊廂,蔣雅文為妹妹蔣雅詩29歲生日出書,姊妹情深表露無遺。

板野友美前晚為寫真集舉行簽名會,大批粉絲一早到場排隊,望與偶像近距離接觸。活動開始前,板野友美以廣東話自我介紹,引來粉絲歡呼,氹得伊人笑不攏嘴。她受訪時表示寫真集早於去年已在日本發行,不久便售罄,沒料在香港推出亦一樣受歡迎。問到會否加印?她說:「唔會,因為係好值得紀念嘅嘢,賣晒好開心,寫真係去年同單曲一齊推出,亦係我第十張細碟。」

她指活動後先去吃晚飯,便乘夜機返日本:「今次係我第六次嚟香港,香港粉絲好溫暖,雖然有一段時間冇嚟,以為熱情會冷卻,今日見咁多人嚟好開心。」她又透露稍後有兩部電影要拍攝,又要為細碟錄音。

蔣雅文姊妹合體出書

已移居台灣的蔣雅文(Mandy)與妹妹蔣雅詩首度合體出書,二人孖住現身書展宣傳。Mandy說:「呢個係送畀妹妹29歲嘅生日禮物,妹妹18歲嘅時候,我幫佢影過一輯相,今年29歲再影一輯,趁青春留倩影,裏面以相為主,由我操刀,有15個造型。」問到雅詩是否滿意?她說:「我好少見到自己咁靚,見到成品自己都嚇親。」Mandy稱今次妹妹在作品內作了不少新嘗試:「佢以前自信唔夠,今次喺我嘅鏡頭下好放鬆,最開心係同妹妹一齊做宣傳,好多業內人士對妹妹讚口不絕。」

問是否有意到幕前發展?雅詩坦言:「我唔希望做幕前,但做幕後好難賺錢生活,依家搵外快。(家人睇過本書?)家人反應好大,見到短褲就話做乜條褲咁短。」

蔣雅文愛妹情切,親自操刀把雅詩最美的角度記錄下來。