松岡李那瞓身開餐廳 目標年賺700萬

東方日報
松岡李那恨生小朋友,奈何沒有男朋友。

現年33歲的日模松岡李那,上月與友人合資約350萬元開餐廳酒吧,並籌備網上鑽飾生意。財來自有方的她,揚言要做有錢人,希望每年賺700萬元,她主動提及去年未婚產子的傳聞,笑言如果已為人母,「兒子」已經一歲。

久未在港露面的松岡李那,早前來港工作,剪了呎半長髮的她較前清減不少。她透露積極學做生意,與三位友人合資5,000萬日圓(約350萬港元),上月在六本木開餐廳酒吧,並籌備鑽飾生意,她豪言:「我要賺錢,我有一個閨蜜,我叫佢做姐姐,佢做生意好叻,我好尊敬佢,好想學佢,成日諗點樣可以學佢做生意咁叻。我想自己賺錢,唔想要男人畀錢。(想賺幾多錢?)一年賺一億日圓(約700萬港元),我要做有錢人!」

拒落場打碟

問到是否全副身家搞生意?她笑言:「唔係。」並指媽媽一直經營飲食生意,耳濡目染下,有興趣做老闆。問到母親可有傳授營商心得?「佢教我好多嘢,不過我成日唔記得。(教你守財?)係。」並指日本人喜歡光顧有DJ打碟的餐廳酒吧,但她不會落場爭打碟:「客人鍾意自己打碟,佢哋開心最緊要。」

恨生小朋友

同時她又投資網上鑽飾,希望鑽飾留給下一代:「想設計可以傳畀將來嘅女兒。(想有小朋友?)當然想,舊年網上有人話我喺日本生咗小朋友,我唔知點解,都冇肥過。(傳聞個仔已經一歲。)係呀,我真係想要小朋友,但要搵個男人先,依家真係冇男友。(有冇追求者?)唔知。(想幾時有BB?)34歲啦,哈哈!依家工作先。(生仔唔結婚?)我可以o架。」

服裝:Snidel\t

場地:Mikiki x Monchhichi聖誕郵輪

升呢老闆的松岡李那豪言唔使男人錢。
松岡李那雄心壯志,誓要做有錢人。