《東張西望》咪神李旻芳性感出嫁 同老公黃耀英即場紋婚戒

娛樂

《東張西望》有喜事!兩位主持李旻芳同黃耀英早前在西貢舉行婚禮,咪神李旻芳穿上性感婚紗出嫁,男方黃耀英就以冧爆誓言娶得美人歸,佢哋仲即場紋婚戒,結婚都潮過人啊!

李旻芳黃耀英人緣好 主持好友齊慶賀

無綫《東張西望》主持李旻芳(Lucy)和黃耀英(Darren)上周二(5日)在西貢舉行婚禮,一班合作過的主持好友陳庭欣、陸浩明、陳貝兒、孫慧雪等出席見證二 人的重要時刻。

身材出眾的李旻芳, 著住超性感迫爆上圍 婚妙出嫁
一班無綫主持好友陳庭欣、陸浩明、陳貝兒、 孫慧雪、區永權、陳婉衡等出席婚禮。

黃耀英搞鬼冧爆誓言:老婆係會打鼻鼾嘅凡人

當李爸爸把女兒交給Darren時,Darren便讀出愛的宣言:「你有天使臉孔、魔鬼身材,但瞓覺打鼻鼾時提醒我,你只係個凡人,都係要有人珍惜同愛護你,應承你吃晒菜梗留菜葉畀你、冬天會讓你先沖涼享用足夠熱水、會執起浴缸內啲頭髮,仲有屋企啲曱甴昆蟲我負責處理,愛係要用行動去表達,我會用一生去 證明畀你睇有幾愛你!」誓詞都搞鬼過人。

雖然新郎哥話唔想婚禮太傳統,不過新娘子裙褂出嫁及向長輩斟茶儀式就唔可以少,李旻芳的龍鳳鈪戴到一頸都係,收金器收到手軟。

新人即場紋上無名指李旻芳痛到標眼淚水

唔單止咁,當律師宣布交換戒指時,在場親友見證下,請來紋身師即場為二人的無名指上紋上婚戒,禮成後,舉行非洲跳掃 把儀式,寓意大家一起跨過每一個難關、甘苦與共。祝百年好合,永結同心!

李旻芳和黃耀英請來紋身師即場紋上紅色婚戒
李旻芳痛到標眼淚水,黃耀英不停講笑話:「邊痛啫, 蚊咬之嘛!」

延伸閱讀:

上位小花鄧佩儀「有求必應」 扮吹氣公仔入屋上位有望!

簡淑兒六嚿腹肌終於見光 張彥博唔再做白切雞