李麗珍:好多人想睇我點死!

東方日報
李麗珍:好多人想睇我點死!

藝人李麗珍、廖碧兒、徐肇平及袁富華等昨日出席ViuTV處境劇《娛樂風雲》記者會,面對該劇有多位新生代演員參與,李麗珍笑指雖然未能記得所有面孔,但合作很開心,連心境也很好,她有感而發說:「娛樂圈好現實,出道得耐會畀人話過氣,好似我個角色咁,復出可能有粉絲支持,亦都好多人想睇我點死。(現實生活嘅你又覺得係點?)都唔知,我覺得一半半,希望可以努力工作,但有啲唔鍾意我都唔出奇,我會努力撐落去。」


廖碧兒做「空中飛人」


至於廖碧兒透露劇集暫定100集,已拍了差不多一半,問到酬勞是否可觀?她說:「OK呀!係要兼顧埋讀書辛苦啲,依家每隔三日飛返加拿大返學,今晚都要走,呢啲生活會去到八月尾,我不嬲都想完成呢個商業課程,其實套劇其他演員都好忙,所以要度晒期先開工。」


而徐肇平被問到從舊東家無綫跳槽到ViuTV,薪酬可有大躍升?他說:「又冇乜跳好多,不過依家應該唔會選擇簽長約,再簽十年八年真係有少少驚,依家31歲,到時唔知有咩做。(想同媽咪黃淑儀再合作?)唔使,做活動就可以,同屋企人做嘢唔使太多,我幾乎日日都見阿媽啦!」

廖碧兒要兼顧拍劇及讀書,真係幾辛苦!