李麗珍最憎男人浮誇認叻

東方日報
李麗珍早前於ViuTV劇《娛樂風雲》飾演有野心的息影女星,過足戲癮。

藝人李麗珍樣貌與身材十年如一日,是圈中有名的美魔女。早前她擔任東網巨星節目「海馬牌床褥特約」《閨蜜睡房》嘉賓,一連三集與主持人俞詠文分享保養心得。她認為Keep Fit最重要控制體重,切忌暴飲暴食,故少吃澱粉質:「試過最高峰期重128磅,嗰時因為唔開心,瞓唔着又食嘢,匿埋咗唔喺香港,所以冇刻意注重外表。(唔開心就放縱?)少少,反而開心會Keep得好啲。」她坦言現時工作很開心,可演以前未試過的角色。

事業第一

曾經最重視愛情的她說:「以前愛情第一,事業第二,家庭第三,依家係事業第一,家庭第二,跟住先諗其他,暫時放低呢樣嘢(感情),覺得一個人始終要負擔到自己先。(希望日後嘅感情係點?)呢排好忙,冇時間諗呢啲。(揀偶條件?)我唔係好接受到啲好認叻、太浮誇嘅男士,不過冇遇過,如果遇到都會靜雞雞彈開。」

提到女兒許倚榕,她讚愛女乖巧:「我細個放學會去行街,唔返屋企,反而佢算乖囉!」現時母女相處融洽,她樂意做女兒的聆聽者,又指對方性格內向,不喜歡入娛樂圈,令她少了擔心:「如果佢話自己唔係咁鍾意呢種生活,梗係唔想佢入行,始終做呢行壓力幾大。」想知道更多李麗珍的心底話?記得本星期五、六、日收睇《閨蜜睡房》!

李麗珍忙於工作,感情放一邊。
俞詠文激讚李麗珍保養得宜。