李麗珍惡補潮語扮後生

東方日報
李麗珍拍劇忍唔到笑,搞到要NG。

藝人李麗珍在處境劇飾演母親,笑言有時聽不懂同劇年輕人的潮語,而她今次拍喜劇輕鬆沒壓力,但間中會忍不住笑要NG。

演員李麗珍、廖碧兒、袁富華及陳國邦等昨日在九龍灣為ViuTV處境劇《娛樂風雲》拜神。已開工一星期的李麗珍沒有不習慣,笑指現時合作的年輕人醒目得多:「我細個入行嗰陣矇查查、烏瀡瀡,人哋踢一腳先郁一郁,佢哋醒目過我以前好多!」

劇中演母親的她又說:「有時聽唔明佢哋講嘅潮語,要問番佢哋,同埋學吓佢哋講嘢同手勢。」問到劇中是否要搞笑?她認為刻意搞笑很難,反而較易掌握令人感動的戲,會跟劇本演出。問到拍喜劇可有忍不到笑?她坦言:「都有試過忍唔住笑NG,幾好玩,開工冇壓力,幾輕鬆。」

廖碧兒唔再做第三者

至於廖碧兒已為新劇開工三個月,劇集趕在六、七月播出。她指上一次拍處境劇已是初入行時的《皆大歡喜》,近年多演複雜、嚴肅角色,所以今次拍攝辦公室鬥爭喜劇很開心,她說:「喺《婚內情》同袁富華冇對手戲,今次佢就做我老闆,日日同佢開工。」她笑指今次不用再飾演「第三者」,更預告劇中有兩位男士力追。

廖碧兒新劇唔再「正經」,最享受玩辦公室鬥爭!
台前幕後昨日拜神,期望新劇有好成績。