李麗珍怕抑鬱復發忘記潘源良

東方日報
李麗珍與潘源良幾番離合,如今她總算放低舊愛!

藝人李麗珍與潘源良「終極分手」飽受情傷,她坦言要鞭策自己向前看,否則會抑鬱症復發!刻下寄情工作的她,笑言已有「新戀情」,不排除日後發展姊弟戀的可能。

李麗珍、陳炳銓等昨日為ViuTV劇集《娛樂風雲》開工。曾與音樂人潘源良多番離合的她,因對方另娶他人而變得抑鬱,受訪時被問是否受情傷未敢再闖情關?她說:「唔記得咗喇,再提我唔擔保自己會唔會(抑鬱)復發,所以要向前看,唔准回望。」劇中她將上演一段母子戀戲中戲,笑言自己有「新戀情」,問到可接受母子戀?她說:「冇諗過喎,如果小鮮肉係覺得好似BB咁都得意,姊弟戀我都可以接受嘅。」

節食運動Keep身形

數年沒有拍劇的她,為了今次演出而鍛煉身形:「之前試過120幾磅,成日畀人話肥,試過節食同做運動,依家減到百零磅。(想繼續Keep好身形同童顏?)個個都想,難得瘦,肥感覺好論盡。(因而多咗追求者?)冇留意,冇諗過呢個問題,依家投入工作就唔會諗其他嘢。」

陳炳銓演浮誇大導

至於在劇中要模仿名導王家衛的陳炳銓,表示平日都有欣賞對方的電影作品:「今次角色比較浮誇,有時會跳入自己嘅思想世界,唔知自己去咗邊度。」對於早前被拍得與女友李佳芯拍拖,他說:「平時我哋都有揸車,當日大家要去唔同地方,截唔到的士,原來香港截車都幾難,最後惟有Call Uber。」

潘源良
陳炳銓笑言要浮誇演出,唔見咗自己。