李靖筠搶先打卡祖兒愛包場食住睇

東方日報
容祖兒表示日後又多了一個地方可包場與朋友睇戲。

樂壇天后容祖兒與洪卓立、李靖筠、曾樂彤等日前到英皇戲院尖沙咀iSQUARE「打卡」睇戲歡度聖誕,祖兒認為聖誕收到有心思的禮物已夠窩心,最開心是與朋友一齊歡度佳節。

容祖兒日前與曾樂彤、洪卓立、李靖筠(Gladys)、林麗詩(Dreamy)及周家怡等,到英皇戲院尖沙咀iSQUARE睇戲歡度聖誕。祖兒大讚新戲院設備、設計及食物也盡見心思,回憶對上一次「包場」已是十年前的事,指以後多一個選擇可以包場與好友歎住美食睇戲。問到過往可有收過最喜歡的聖誕禮物?她指所有花心思的禮物都很窩心,但最開心是能趁這段時間與朋友共度佳節。

至於茹素的周家怡講到最難忘的聖誕節,直言當時懷疑自己患絕症,幸只是擺了「大烏龍」:「醫生曾經喺聖誕前懷疑我患絕症,做晒所有檢查,聖誕節嗰日攞報告,醫生為我送上一份最大嘅聖誕禮物,證實冇事!」

洪卓立感受IMAX震撼

洪卓立除了讚新戲院美食多選擇外,置身在全港最大的IMAX with Laser影院睇戲,他有很深的感受:「睇完戲之後想參與多啲唔同電影,想像自己嘅作品喺12米高巨幕放映,震撼又感動,高聲畫質令我知道演出絕唔能夠Hea,因為每個細微動作,觀眾都睇得一清二楚。」

至於曾樂彤、Gladys等來到戲院,不怕肥點了「邪惡午餐肉」大擦一餐。曾樂彤自言不是節日動物,反而喜歡不定時為朋友送驚喜,Gladys則笑說:「每年都有交換『垃圾』,將自己唔需要嘅物品同人交換。」又表示喜歡於節日選擇逃離人煙,露營觀星。

李靖筠大讚新戲院設備好。
曾樂彤與洪卓立在戲院小食部揀選美食。
洪卓立
周家怡置身舒適的座位睇好戲。