李靖筠懶理男友宅女愛回家

東方日報
李靖筠自彈自唱之餘,更與歌迷整蚊香。

英皇新人李靖筠(Gladys)配合新歌《小蚊赧》,昨日舉行手工蚊香工作坊,但她自爆手工超差:「好唔鍾意做呢啲嘢,好冇耐性。」問到可有整過手作給男友?她笑言:「呢啲反而我有心機,但整畀自己就冇心機,我試過用襪縫咗啲公仔畀男友,整咗個動物園出嚟,有大笨象、兔仔。」

問到平時可會與男友一齊整公仔?她即說:「唔會啦,平日咁攰仲搞呢啲嘢,我淨係想攤吓算,一齊叫外賣睇電視最有情趣。(男友唔會投訴你太宅?)冇喎,如果佢想出去就自己出,我留喺屋企就得,如果佢逼我出街不如唔好拍拖,每日工作已經好辛苦。」她透露將推出第二首新歌,並計劃年尾出EP。