李昭南大方唔着衫 林明禎寫真響戰「股」

東方日報
李昭南重踏台北浸溫泉,憶起當年受情傷。

ViuTV女神李昭南日前大解放,以一件頭戰衣浸溫泉,大騷36C「胸器」,自言終於有勇氣「唔着衫」!同樣身材「胸」猛的32E馬來西亞女神林明禎,則以水着照為計劃中的寫真集試水溫,吸引逾10萬人讚好!

曾與歌手吳浩康拍拖兩年、於前年分手的美國華埠小姐李昭南,在ViuTV演出多個節目及劇集,包括《區區有樂》及《理想國》等而人氣直升,加上常在社交網開Live自彈自唱,又愛派褔利網晒水着照等盡騷36C「胸器」,升呢炙手可熱的索爆女神!日前她與友人到台北旅行,以火辣戰衣浸溫泉,同行好友趁機拍下溫泉寫真,她說:「以前嘅我着泳衣一定要加多件衫喺出面,不過多得呢位朋友鼓勵,叫我要大方啲,所以今次我終於勇敢啲唔加衫,係佢令我明白忠於自己好重要!」

重回療傷地

李昭南指這位好友陪伴她經歷感情挫折,兩年前到台北療情傷時,二人在陽明山打賭:「話邊個用手機去搵唔應該搵嘅人,就要向山下嘅人大叫『我係垃圾』,最終我半夜真係搵咗,當時我好懦弱!」

同樣身材超班、擁32E「胸器」而獲封馬來西亞女神的歌手林明禎,日前亦網晒索爆水着照,盡展魔鬼線條,渾圓美臀加上白滑長腿,令網民大呼受不了!但她原來另有「企圖」,她留言:「2020來本健身X寫真好嗎?」即有超過10萬人讚好,反應熱烈,成功試水溫!

向來不敢齋穿水着的李昭南,終鼓起勇氣「唔着衫」,大方騷Quali。
一身火紅水着的林明禎,S曲線盡現!
林明禎有意推出健身主題的寫真。