李旻芳Big爆嫁衣紋身當婚戒

東方日報
李旻芳低胸婚紗晒弗爆身材。

《東張》女神李旻芳昨日與黃耀英大喜日子,晒冷「胸襲」婚禮會場!兩人即場紋「戒指」作出承諾,可謂愛得瘋狂。新郎哥還爆料指老婆是有鼻鼾的天仙!

無綫節目《東張西望》主持李旻芳(Lucy)與黃耀英(Darren),昨日於西貢海濱公園舉行婚禮,圈中好友包括陳婉衡、林泳淘、孫慧雪、利穎怡、劉溫馨及陳華鑫等都有出席觀禮。Lucy穿着低胸婚紗,盡騷34C身材。

Darren早上接新娘後與Lucy深情擁吻,而她身上的金器亦成焦點,除了頸上一大串龍鳳鈪外,頭飾及耳環全是金器,網民笑言目測有幾斤重!兩人行婚禮時更即場紋上戒指,作為終身承諾,既瘋狂又甜蜜!

陳婉衡讚愛的宣言感動

陳婉衡昨日受訪時直言場面既熱鬧又感動:「佢兩個講愛的宣言嗰陣,Lucy一路講一路喊,Darren都好緊張,我哋雖然冇喊但都有眼濕濕。至於拋花球環節,Lucy直接將花球畀咗一個姊妹,好似將幸福傳開去咁,好感動。」袁鎮業則坦言由訓練班開始已與一對新人同組,見證着他倆由拍拖到結婚:「嗰陣大家都睇好佢哋會修成正果,果然不負所望!佢哋喺西貢海邊餐廳搞婚禮幾新穎,環境好似夏威夷,好有心思。」又爆料指Darren讚Lucy是天使面孔、魔鬼身材,但瞓覺時會打鼻鼾。

一對新人前晚依足傳統上頭,Lucy受訪時說:「有二十個親朋戚友嚟陪我上頭,主要係唔可以同黃耀英見面,佢話就算一晚都唔想分開。」

李旻芳與黃耀英在手指紋上紅圈作「婚戒」,刻骨銘心!
錫啖先!但唔夠成身金器咁搶Fo!