李日昇被爆劈腿:食錯嘢肚屙正常嘅

東方日報
李日昇堅稱冇一腳踏兩船。

藝人李日昇被指年前與黃文意拍拖時「一腳踏兩船」,陳偉琪被牽涉其中變「第三者」!男主角昨回應指會「負責」,又祝黃文意生日快樂,問到有否懷疑有人「放料」?他說:「食錯嘢肚屙正常嘅!」

李日昇昨日出席宣傳活動被記者要求就劈腿傳聞解畫,他未有逃避,但可能不慣面對傳媒,起初有點緊張,直言報道出街後收到很多朋友的短訊:「咁對於自己做過嘅嘢,係要負責任嘅。(即係你認一腳踏兩船?)冇,我同佢(黃文意)分手唔係第三者,係性格不合,講緊嘅女仔(陳偉琪)只係訓練班嗰時有聯絡。(同黃文意呢?)佢好似今日生日,祝佢生日快樂!」

女友乜都知

他坦言目前已有拍拖兩年的圈外女友:「多謝佢同我一齊承擔我以前嘅嘢,其實我乜都同佢講,佢知道所有嘢。(視對方為結婚對象?)都係!(覺得有人刻意放料?)咁食錯嘢肚屙正常嘅!」

而壽星女黃文意昨日在社交網發文,指之前專訪談及被「劈腿」是讓自己可以面對挫敗,沒有提及任何人的名字:「當同樣事情發生在我身上時,我會感到錯愕和驚訝。今天我剛好又大了一歲,更珍惜光陰與時間,希望每刻都生活得積極快樂。」相隔不久又附圖發文:「呢個世界有啲人面皮仲厚過呢隻蛋。」似暗寸舊愛。

陳偉琪落閘

此外,陳偉琪(Vicky)昨日到灣仔出席「獅子會全港學生三人籃球賽發布會」,對於被指介入別人戀情,一頭霧水的她說:「我同李日昇相識5至6年,係訓練班同學,合照都係一班人一齊影嘅,大家只係朋友。(知道佢同黃文意曾拍拖?)真係唔知,完全唔關我事。(點睇無啦啦牽涉其中?)我覺得好無奈,我本身唔識黃文意。(會唔會同黃文意解釋吓?)我唔知件事點解發展成咁,我只係覺得自己躺着也中槍。」

陳偉琪話同李日昇相識6年。