李施嬅劇組停工被困加拿大

東方日報
李施嬅從容面對困境,還上載多張照片,其好友趙希洛就留言着她要照顧好自己。

加拿大宣布禁止非公民及非永久居民入境,消息一出即影響多個劇組拍攝工作,正身在當地拍攝電視劇的李施嬅指雖然劇集還有兩星期便殺青,但劇組為保障大家安全決定暫停拍攝。由於最快要到本月29日才有機位回港,李施嬅變相被困加拿大。

身在多倫多的李施嬅昨受訪時說:「套劇突然停拍,我依家滯留喺當地一個小鎮,想搵機票返香港,但全部爆晒。其實加拿大依家情況唔係好嚴重,但係美國情況好勁,所以呢邊都好緊張,舖頭好多關門,啲人去搶廁紙,自己出街都會戴口罩,返到香港當然會安心啲,但暫時飛唔到。」

李施嬅有家人在加拿大,下一步打算去探望:「好想返香港做嘢,過咗嚟加拿大拍劇,好多宣傳做唔到,依家真係有心無力。」

王賢誌回港要隔離

另外,王賢誌早前安排旅行團出發到南美洲,其伴侶Kevin做客席領隊,團友還有雷怡暉,眾人於二月出發。王賢誌透露前兩日旅程結束,離開秘魯不久,秘魯便封關,感覺好彩,現身在溫哥華,因機票未能趕及周四凌晨返港,故抵港後需要14日隔離。