李思雅遭爆粗恐嚇晒證據反擊

東方日報
被指控搶人未婚夫,李思雅反斥對方「老作」。

李思雅近日突然被一名女子控訴硬搶未婚夫!她昨日附上遭恐嚇的證據,逐一反擊對方,直指該女子顛倒是非,並獲男友發文力撐!

現年33歲的前港姐李思雅,感情生活一直低調,與前藝人林韋辰於兩年前分手後,一直未有新戀情出現。不過,近日一名自稱姓陳的女子,突然爆出被好友李思雅搶走未婚夫!她指兩人以往經常見面打麻雀,李思雅亦會與其未婚夫打網球,但指對方有次趁她離港期間,不停相約其未婚夫,更把合照上載朋友圈,她曾致電罵李思雅,最後被對方封鎖來電。

「八婆……條仔你攞去」

對於種種控訴,記者昨日向李思雅求證,她連聲否認:「個女仔係我現任男友嘅前度女友,我同男友都一齊咗半年,喺我哋一齊前嘅大半年,男友同佢已經分手,知佢為呢件事好嬲,又打畀傳媒講,其實佢都冇證據,全部係佢自己講!成件事完全唔關我事,我男友都唔係佢未婚夫,係佢老作。」李思雅更表示該女子不時騷擾其男友,還反扮成受害者:「佢話我成日鬧佢,又話我Send我同男友嘅相畀佢,其實係倒轉嚟講,佢Send短訊講粗口鬧我就真!入面仲有恐嚇成分!」從兩人的對話截圖當中,陳姓女子不乏粗言穢語鬧爆李思雅:「八婆,我想話畀你聽呢條仔你鍾意就攞去……你不如出去問吓人啦,我是邊X個啊!X你老母。」被問到會否報警?李思雅說:「冇諗住報警,雖然我都唔開心,但唔想令男友難做,其實呢個女仔都冇再搵我,我亦都封鎖咗佢,同埋佢根本唔係姓陳,係姓梁o架喎!」

望前度唔好再騷擾

至於李思雅男友Joe Wong昨晚亦於社交網發文澄清,直斥有關報道非事實,並列出四點力撐女友!Joe表示與舊愛梁小姐早於一年前已分手,在此前與對方未有結婚或訂婚想法,又指於八個月前才向李思雅展開追求,根本不存在「硬搶未婚夫」說法。他揚言現時與李思雅拍拖半年,感情生活穩定、開心及美滿,最後寄望舊愛梁小姐不要再騷擾他倆。

李思雅指男友甩拖後才與她拍拖,並沒有做「小三」