李幸倪學做保母

東方日報
李幸倪笑言將來要做全職媽媽,因擔心未能兼顧工作與湊仔。

環球歌手李幸倪(Gin Lee)為配合新歌《敢》,日前接受湊仔挑戰,雖自言很鍾意小朋友,但BB完全「唔畀面」,又擰歪面又放聲狂喊,要她不斷出招唱兒歌及扮鬼臉,直至使出自創的「雀仔攻略」,抱BB睇雀仔,才成功拉近距離。

在餵食蛋糕、換尿片兩項任務中,BB表現不合作,令她相當為難,反而為BB剪髮卻相當順利,她也難以置信:「可能佢好專心玩佢嘅嘢,我可以好快剪到。」完成所有挑戰後,Gin直言之前學踩Roller、學紋身,都不及今次難度高:「精神好攰,如果我將來要湊小朋友,一定要Full Time(全職),因為要工作又要湊小朋友,體力上好難應付。」