《李屍朝鮮》劇名惹南韓網民不滿 正式改名《屍戰朝鮮》

《屍戰朝鮮》劇照

由朱智勛、裴斗娜及柳承龍等人主演嘅Netflix首套原創韓劇《李屍朝鮮》第二季,喺上星期五(13日)正式上架,除咗主角們精彩嘅演出之外,唔少人繼續被喪屍逼真嘅演出震撼到,劇集大受好評。

不過近日就有南韓網民對中文譯名《李屍朝鮮》感到不滿,因為「李氏朝鮮」係當時日本殖民統治下嘅蔑稱;同埋將「氏」換成「屍」,南韓網民認為《李屍朝鮮》呢個名係污辱咗佢哋嘅歷史。

Netflix知道南韓網民嘅反應,經過內部討論後,佢哋決定喺今日開始將劇名改做《屍戰朝鮮》,及希望大家可以繼續支持劇集。

《李屍朝鮮》改名《屍戰朝鮮》