李居明:睇《龍珠》食牛肉都可以抗疫

李居明:睇《龍珠》食牛肉都可以抗疫

玄學家李居明經占卜算卦後預言新冠肺炎疫情有望在4月8日平息,除此之外,他亦以玄學的角度,指今次疫情有兩個生肖可以避過 ,一個是龍,一個是牛,大師還建議全港電視台重播《龍珠》,有助化解疫症!

先科學後玄學

李居明接受東網訪問時解說箇中因由:「呢個係成個八字嘅道理嚟,我設計嘅防疫符貼『生龍和合』都有個龍字,龍、牛係可以散熱毒,呢個疫情係熱毒嚟,而龍月出生,即大約西曆四月八號至五月八號以及生於丑月,即西曆一月五號至二月三號嘅人,都可以遠離病症,而播放動畫《龍珠》,因為本身個名有個龍字,而入面嘅主角係孫悟空,亦即係猴子,代表金,金可以防火毒,令猴子可以百毒不侵,係成個防範瘟疫嘅密碼嚟,所以由此推論,呢個時候播放《龍珠》,係可以令防疫密碼增強,當然呢個係玄學角度,我哋應該先科學後玄學,有問題要即刻睇醫生。」

牛有鋅龍有密碼

李居明還繼續以玄學角度解說,提議大家可以吃牛肉、龍脷柳等食物防疫:「由於牛、龍可以散火毒,牛亦代表牛肉,喺防疫醫療方面,都鼓勵大家食多啲牛肉,牛肉裏面有鋅,有助增強體質,可以防病;第二,龍,中醫用嘅龍脷葉,入藥可以清熱毒,食龍脷柳,亦係其中一樣防疫食物,因為呢啲都係龍嘅密碼。」