李天翔被定型好人難做

東方日報
李天翔

藝人李天翔與莊思敏等前晚錄影無綫節目《娛樂大家》,離巢後首度回娘家的李天翔表示,因宣傳台慶劇《解決師》,故亮相節目,並自嘲玩遊戲很差:「希望一陣阿姐(汪明荃)在場,我會玩得好啲。大家咪睇我個樣以為好醒好曳,其實我好蠢。」

回復自由身的他表示將拍電影,問到會否到內地發展?他說:「之前有內地工作接洽,但合約問題傾唔成,其實去邊度工作都冇所謂。(太太點睇?)佢好明白,雖然會唔捨得,但點都支持我。(係咪唔想再演反派?)冇諗呢個問題,拍劇十幾年,就算成日演反派,都覺得仲有進步空間。如果你問我真人係好人定壞人,我梗係好人啦!不過講出嚟都冇人信。」

莊思敏有信心勝出遊戲。