李光洙魯芬再拍賀年廣告 劉以達搞笑加盟

韓國綜藝節目《Running Man》人氣主持李光洙上年同魯芬BB為果汁糖拍賀年廣告,光洙嘅唔鹹唔淡廣東話加埋一首洗腦嘅賀年歌,真係無得輸呀!

今年佢哋繼續成為代言人,仲搵埋劉以達搞笑加盟拍攝賀年廣告。廣告片段喺噚日已經upload上YouTube兼喺Facebook瘋狂洗版。

廣告中光洙同魯芬BB以一身鮮紅色打扮煙韌唱山歌,期間佢哋打情罵俏,喺桃花樹林玩伏匿匿同埋俾魯芬BB摸腹肌。而劉以達就喺側邊拉二胡,又好似攝石人咁瘋狂入鏡,最搞笑係就算光洙不停推開佢,佢都會飄返去光洙身邊。

唔少網民睇完個廣告都大讚廣告好正好好笑,仲話係唯一唔捨得skip嘅廣告。