李佳芯遺憾失對手 唐詩詠期望再合作

東方日報
李佳芯同阿田好Friend,相信可以Keep到友誼。

阿田圈中人緣甚佳,她將約滿無綫離巢,不少與她合作過的同事也感不捨。李佳芯、蕭正楠、JW、汪明荃與應屆港姐昨日拍攝新春節目,李佳芯坦言與阿田因合作劇集《誇世代》成為無所不談的好友:「私底下我哋好Friend,我梗係唔捨得佢走,損失咗個好對手、好前輩,相信我哋嘅友誼可以延續。(佢離巢會唔會令你對發展有新啟發?)又唔會,但合約係買賣,總有完結嘅一日,但我份合約未有耐完,仲有一段時間。」又笑言新一年將有「BB」出世,是實踐一個製作上的夢想。至於與阿田曾合作過兩輯《巨輪》的蕭正楠表示不會太可惜:「佢又唔係息影,或者用另一個方式合作,喺香港要拍劇首選都係TVB,一定會見。」

此外,好友唐詩詠直言會支持對方的任何決定:「作為演員,當然希望可以再同佢合作,同佢對上一次合作已經係好幾年前,希望將來再有機會,同埋期待佢嘅新發展,以佢嘅能力,做乜嘢都會好好。」與阿田亦師亦友的吳業坤則說:「佢係我好欣賞嘅視后,教咗我好多演技同埋做人,仲係第一個同我慶祝生日嘅前輩,有啲唔捨得佢,江湖見啦。」

蕭正楠
唐詩詠認為田蕊妮去到邊都有好發展。