李佳芯完美演繹新手媽咪辛酸 《BB來了》首集內容勁貼地

東方新地 - 娛聞

BB來了》於今個星期一首播,第一集一出街,即被網友大讚劇情夠貼地,皆因女主角唐恬兒(李佳芯飾演)與男主角葉致廷(黎諾懿飾演)正為事業拼搏期間,卻突然意外有了BB,令飾演女強人的李佳芯在毫無心理準備下,表現出做準媽媽的不安心情。

撰文:東方新地|圖片:TVB截圖、TVB

延伸閱讀:

【DSE放榜】除咗10優麥明詩!會考高材生仲有佢哋⋯

【港姐2018】佳麗複選見傳媒

《BB來了》首集內容勁貼地

《BB來了》第一集就如劇名一樣,講述女主角唐恬兒(李佳芯飾演)與男主角葉致廷(黎諾懿飾演)是新婚一年 ,仍處於甜蜜期的夫妻,二人正為事業拼搏期間,卻突然意外有了BB,結果將一切計劃打亂。

李佳芯

李佳芯演女強人

劇中,李佳芯飾演一位名牌買手,平日食好著好兼經常出入高級場所,加上備受公司重用,故準備到巴黎受訓一年後,就可以平步青雲晉身管理層。

李佳芯

但點都諗唔到,當事業正值高峰期,卻卻意外懷孕,並因為一個小生命的來臨,而需放棄一直所追求的一切,李佳芯在面對生理同心理極大轉變上,完美演繹出女強人忽然做媽媽忐忑不安心情!

李佳芯完美演繹新手媽咪感受

李佳芯不禁向老公表現出對未知的未來感到非常害怕外,並直言:「你知道我犧牲了多少嗎?你知道一個女人懷孕代表什麼嗎?係事業、身材、樣貌各方面即時賭上」

相信這幕必定係唔少新手準媽咪的心聲!

李佳芯七情上面,仲喊哂口同老公講自己內心除咗不安、擔心外,其實仲有害怕的感覺!

劇集四大共嗚位

|身體變化

李佳芯本身樣靚身材正,於劇中她除咗係一名女強人,同時亦是一位十分著重自己外觀的現代女性,故懷孕後面對身體變化,小肚開始遮唔住,塊面又暗又多粒粒,陀仔個鼻又紅晒,對她的確是一大衝擊!

作為一名愛美麗的女士,要由一個本身身型纖瘦的靚女,變成一個師奶,仲要唔知生完bb後能否修身成功,一個又一個未知之數及犧牲,無疑引起唔少女士們的共嗚!

|財政壓力

劇中,兩公婆住開放式單位,加上一人一份糧,每月出糧可以有錢買衫買酒得閒出埠,享受輕鬆人生。但面對BB的來臨,開支馬上變大,例如產檢兩星期至一個月覆診一次、順產4萬開刀7萬等,樣樣都係錢。

另外,陪月、買BB車BB床奶樽奶粉等,淨係陀BB十個月加出世,都已經十幾二十萬,兩公婆原本預期的中產生活變成泡影,在毫無準備下,財政壓力變大,生活上的確好大打擊!

|放棄事業

話說李佳芯本身就備受公司賞識,準備到巴黎受訓一年,但因為有咗BB,無論是陀緊BB定坐月,都不適合於外地逗留太耐,所以她只能無奈選擇放棄晉升機會。

面對奮鬥多年的事業,明明大好機會擺在眼前,卻只可眼白白望住機會溜走,一直以來將時間及心血放於事業,最終只能忍痛放棄,箇中痛心疾首的感受相信非一般人所能明白!

|長輩壓力

劇中,李佳芯除咗係一位事業型女強人,同時亦是自食其力靠自己賺錢改善生活的人。她即使嫁了有啲家底的黎諾懿,飾演她奶奶的Madam Lo不時以「生仔就幫手俾首期」,利誘新抱生b,反令李佳芯十分反感。

除此,劇中飾演李佳芯媽咪的陳秀珠又不斷催個女生bb,又自覺自己湊大十幾個BB又聲稱讀咗陪月課程,對於湊b 絕對綽綽有餘,點知人中被女兒發覺原來媽咪都好唔專業,生咗都唔放心俾阿媽湊。

延伸閱讀:

網民:想一巴車埋去!《深宮計》嘅胡定欣都唔夠佢奸! 盤點TVB電視劇5大經典奸妃