朱智賢美麗有罪險釀車禍

東方日報
朱智賢工作不斷,上位有望。

朱智賢與方紹聰(奶仔)日前於青山公路拍攝無綫新劇《食腦喪B》,劇情講述奶仔揸車接載朱智賢時發生爭執,兩次於車來車往的公路上突然煞停,因拍攝器材放在軚盤附近位置,遮蓋死火掣,煞車一刻未能「通知」後車,工作人員見狀即時提點,險釀車禍!

奶仔:保險未必Claim到

奶仔受訪時自嘲:「愈有自信嘅人,就愈會出事!」並笑朱智賢太靚,是罪魁禍首:「佢坐隔籬好難買保險,揸揸吓會想望佢,搞到分心,撞車機會率都高咗,保險未必Claim到!如果坐隔籬同朱智賢係情侶關係,仲未必出到保單!」朱智賢聞言大笑,然後說:「唔知呀,我平時揸車嘅!但坐奶仔車好放心。不過啱啱拍嗰場戲佢鬧我,拍完仲好嬲,回程喺車上面唔講嘢,沉默冇出聲,佢再氹番我。」而奶仔笑言劇中演員年紀相若,特別投契:「4中月就拍完,開始唔捨得大家,拍攝都係寓工作於娛樂。」

奶仔與朱智賢合作拍劇而成好友。
朱智賢與奶仔拍攝時險炒車,幸有驚無險。